Ang Resplandor Speech

Resplandor sang grasya sa karon dumilag

Sa bug-os nga mundo amo ang gumu-ob
Aton nga Makita sa labing bunayag
Poder ni Hesukristo Dios nga matuod

Entodos los anos gina selebrar
Hamili nga adlaw sang Resurreksyon
Ang aton Gino-o ila gin Martirizar
Sadtong mga Hudios malaut sing ambisyon


Mainakupon sa mga wala sing palad
Kailo desperado ang mga inanak ni Adan.


Enemigo nga tu-od wala sing katulad
Kay pinanganak sang mantsado nga dugo.
Sa bilog nga mundo siya ang pumahayag
Sang mga kalautan nga iya ginhimo.


Kay iya ginkalipay sing walay duha duha
Sanglit kat vensido sang mga vanidades
Ang mga despresios dili gin repara
Nga mangin porvenir sang ma infamis.
Kag sa walay patugsiling iya nga ginhimo
Dili niya gindumdum ang mga kabalaslan;
Ang iya maestro iya pinabakho
Sinang tao nga labing tampalasan.


Umugyon sa iya mahigko nga isip
Kay siya ang kautivado sa gahum sang pilak
Banyaga nga tao wala pasunaid
Yanang traidor engrato sing buhat


Rosa nga hamili bilidhon nga Maria
Iloy nga na-antus sang mga kasakit
Bangud kay Hudas nga alivosia
Ang iya Maestro iya pinagtangis.


Rosa nga masulub-on wala sing katulad
Kag amo ang alaypon sang tanan nga kasakitan
Inosentes Cordero sa sining duta nga luha-an
Nga nagpadeser sang mga torno
Makalolo-oy matuod ang iya himtangan.
Kag wala sing makig-iloy niya sa mundo.


Mahinuklogon nga Iloy kag ulay nga Maria
Sa mga kasakit nangin autora
Sa sini nga adlaw maabut mo
   Victoria nga igabalus sang
   Dios nga Amay ta.


Nag-ambahan ang mga Anghel
Kutob sa ginsakpan sa pagka- Emperatriz
Nag singgit sila nga


   Viva Victoria sa mga infamis


       Ang ila pinamulong


      “Aleluya sicut dixit.”

Bitay Speech

Ang mga dampog magkapala,
Ang mga alupu-ok magpahawa;
Kay ang mga kasakit nga bugana,
Gintigaylohan sang himaya.


Maghimaya ka, O Reina nga langitnon,
Kay ang gindala sang imong tiyan;
Nabanhaw nga wala maglidan,
Siling sang Iyang pinamulong.


O, halangdon nga Prinsesa,
Emperatrizsa langit kag duta;
Atubanga ang himaya,
Talikdi ang kasakit kag kagha.


Ang kalibutan magkasadya,
Maghimaya ang tanan;
Magkalipay ang mga kataohan,
Kay ikaw ang ambahanon nila.


Magkalipay kag magkasadya,
Kay nian natapus na;
Ang pagpanubos sang mga sala,
Sang mga inanak ni Eva.


Natapos na ang tanan,
Ang unos sa kalangitan;
Kag natigaylo na nian,
Ang himaya nga walay katubtuban.


Yanang bilidhon mo nga korona
Nga sa ulo mo pinahamtang;
Amo’ng tanda sang paghigugma,
Sang Dios sa kalangitan.


Busa paalam na ako,
Sa mahal nga atubangan mo;
Kag didto magahulat ako,
Sa langit nga Emperio.


Didto ikaw koronahan,
Sa langit, himaya nagaluntad;
Nga ginatigana nga daan sa imo,
Sang Santisima Trinidad.
Viva! Viva! Viva la Virgin Maria
Viva! Viva! Viva!




Intro:  Alleluia, Alleluia
Quia quem meruistre portare,
Alleluia, Alleluia
Resurrexit sicut dixit,
Alleluia, Alleluia,
Ora pro nobis Deum,
Alleluia, Alleluia.


Angels below answer:


Alleluia, Alleluia
Regina Coeli
Iaetare, Alleluia